بعد توجيه نواره نجم لنداءها الثانى بعد أحداث الأول من يناير 2011
http://tahyyes.blogspot.com/2011/01/blog-post_04.htmlكتبت أحد تعليقاتى السلفية الإرهابية المعتادة لكن طبعا لأن الموقف لا يسمح باستيعاب الإرهابيين أمثالى قررت نواره منع تعليقاتي , فأرجو ممن تقوده لينكات الشبكة العنكبوتيه إلى هذا الموضوع أن يقرأ هذا التعليق الممنوع من ضمن تعليقاتي الإرهابية الثلاثة الممنوعة في نفس الموضوع ليعلم مدى فظاعة ما وصلت إليه و أمثالى من تطرف و إرهاب يستحق المنع و الرفض
..........
نص التعليق
و بعدين انا بكلمك من موقع المسلم اللى لا كان مع شتيمة النصارى فى المساجد و لا مع التضييق على النصارى فى عباداتهم ,و امثالى كتير و امثالى الكثير دول من ناحية مش مستعدين نتحمل وزر جهلاء المسلمين و لا مفترض ناخد على دماغنا من متشنجى و متطرفي الأقباط , لما تيجى قيادة من الكنيسة و تقول كلام في منتهى الطائفية بشكل تلقائى بفكر انا و امثالى انه الشخص دا و كلامه شيء و حيقية اخلاق المسيحية و اتباعها الحقيقين حاجة تانية, و لو فكرت غير كده و خدت موقف غير كده ابقى شخص متشنج متطرف , ليه مبتفكريش انه الشخص القبطي اللى مصر يقتنع انه انا مذنب و مفروض اتعاقب على ذنب معملتوش عشان شيخ مغمور دعا عليه فى جامع قرية كل رواده جهلا و انا مأمنتش وراه, رغم انه عايش في بيئة ثقافية اسلامية و على دراية كاملة بكل دعاة التسامح و عارف انه اتباعهم اغلبية و بالملايين, هو كمان مش طبيعي و متطرف و متشنج و مشحون وراه ناس ليها اهداف غير وطنية , ليه سيادتك ؟؟
الحكاية مبتتحسبش كده مين بدا و مين شحن و مين وقته يطاطي و مين وقته يعلى صوته.. طول ما الغوغاء الجهلة من الجانبين بيتسابلهم الساحة يقودوا مفيش فايدة و مفيش امل .. المنطقى و الطبيعي انه زعامات معتدلة من الجانبين -او حتى زعامة واحدة معتبرة ايا كان دينها-يجتمع حواليها الوطنيين المؤمنين مسلمين و مسيحيين و ساعتها ممكن استيعاب اخواتنا المغرر بيهم اللى فاهمين غلط من المسلمين و المسيحين غير كده هاتى و وجهى نداءاتك بعلو صوتك بس ابقى ورينى نتيجة واحدة لنداءتك دى بعد عشر سنين,طول ما الجسد من غير راس مستعدة تضحى للاخر مستحيل هيكون فيه نتيجه.. كل المبادرات الجميلة الوردية مصيرها الى زوال لانه الفتنة ليها رءوس مش راس و احنا -المصريين -بلا رأس
و ياريت تفكرى تانى و تنشري التعليق الاولانى لانها محصلتليش عند حد قبل كده الحقيقة , و مخليانى مش عارف انا بناقشك فى ايه بالظبط و جزء كبير جدا من رايي اللى مضايقة منه مبتور اساسا و محدش فاهم هو كان ايه .. متسيبيهوش كده للاستنتاجات لانه دا افتئات عليا
انتهى نص التعليق
................................................
شفتوا الارهاب اللى انا فيه
واضح أنك عضو نشط في تنزيم الأعده، هي نورارة اللي ماشية تقول كتاكيت، بس أنت قلت ما على لساني و ما في قلبي
ردحذفآه انا مكاتل كديم جدا في التنزيم لعلمك
ردحذفو كويس و الله إن أنا قلت اللى على لسانك .. رغم انه لو جيت للحق ملحقتش انا اقول حاجة أصلا , و البركة فى الحاجة نواره ,النقاط الجوهرية في رأيي أصلا كانت من ضمن محذوفات نواره اللى لم تنشر هنا أو هناك
...........................
بس بمناسبةاللى فى قلبي و قلبك بص كده ع التعليق دا موقع من .. مش فاهمة.. و منشور عند نواره
نص تعليق , مش فاهمة
بما انى من المسلمين فاحأرد فى التوبيك ده بصى يا نوارة انتى بتلومى علىالمسلمين ازاى و انا واحده منهم مش باحب مشايخ السلفيه اللى بيحطوا من شأن الأقباط و المرأة مع بعض و لم اشارك فى حرق ولا اضطهاد المسيحيين ولى زميلتى فى الشغل مسيحيه و حبايب مع بعض و صديقات بنتى مسيحيات و ميت فل و ارعتاشر و زيي كده كتير انا عملت لك ايه تقولى لى حسبى الله و نعم الوكيل فيكى ما انت كده بتعملى زى اخواننا الأقباط و بتحطى المسلمين فى بلدى كلهم فى سله واحده
فى المنتديات و القبطيه بالذات كلام بيتقال يجن الواحد
انتهى
.......
ياريت بقى تبقى تقولى ايه الفرق بين ما قلته انا و حذف و بين تعليق الأخت مش فاهمة . ياريت لو تعرف الفرق تقولى أو تتصل بـ 0900 , لأنى مش فاهم
انا مش عارفة ليه نوارة لم تنشر تعليقك
ردحذفمش شايفة فيي حاجة و هي بتؤمن باختلاف الاراء
عادي يعني
احتمال ما وصلهاش التعليق مشكلة نت
ارسليه تاني
موديل
:)
ردحذففى الحقيقة في الحقيقة هى غالبا قرت التعليق دا و وصلها لأنه في نفس البوست بتاعها دا كانت رفضت نشر تعليقين تانيين ليا غير التعليق دا اللى نشرته انا هنا , و هى قالت وقتها على اول تعليق بعته , انها مش هتنزله
ممممم.. تقدرى تقولى هى كانت معصبة , و هى غالبا بتاخد صف الطرف اللى بتشوفه مظلوم بشده , بس هو المستغرب بس انى اتصنفت فى جانب الظلمة مع انى افتكر مش متطرف بالدرجة المثيرة اوى كده يعنى
بعدين انا اصلا مبنفعلش بسرعة .. يعنى لو كانت نشرت تعليقى و ردت عليه باى رد كان مستحيل اتعصب , انما لما حجبت جزء من تعليقى و ردت على جزء دا استفزنى جدا
على كلٍ, الموضوع دا منتهى يعنى , نواره حاليا هى نواره مصر كلها , تعصب براحتها , بعد ما كان منها فى الثورة المصرية و بعد سلسلة التدوينات العبقرية فى الايام الاخيرة , هى تعمل اللى هى عايزاه مش هزعل يعنى :D
دا غير انه مصر اصلا مبقاش فيها أطراف . الثورة كانت بتقول كلنا ايد واحدة , كان شعار و هتاف و الأهم روح
ما انت اللي غلطان برده .... اصل كلامك قاسي قوي قوي
ردحذفوجارح كمان
.
.
تحياتي
يا صديق
ازاى؟ .. طب دا انا حتى طيب
ردحذف....
إلى حد ما :)
تسلم يا آدم .. منورنى :)
دى وحدة مش محترمة والفاظها زبالة وليمكن تكون بتقبل الراى الاخر اللى فى الدماغ وخلاص
ردحذفانا كمان بكتب من زمان تعليقات ومبتظهرش ما دا العادى
واكيد مجبتوش من بعيد ....التربية بردوا وماشاء الله والدها بيقول كلام زى الزفت على الفضائيات
شمس الحرية .. انا عايز بس افرق بين ما هو شخصي و ما هو موضوعى ..انا متفق معاكى انها مبتقبلش ابدا بغير اللى فى دماغها و احيانا بيبقى فيه شطط اكتر من مجرد عدم القبول بالآخر زى ما عملت فى حالة ظباط 8 ابريل ...انما مسالة اخلاقها و تربيتها و الحاجات دى فدا المفروض لا يعنيكى و لا يعنيني لان دى مسائل شخصية
ردحذف