الحقيقة

للفكرة و نقيضها فرص مـتساوية للظهور بمظهر الحقيقة , و الماهية هنا غير معتبرة و انما الجمال و القبح فقط معتبران, و لانه الجمال و القبح انطباعات متغيرة يشكلها التفاعل بين محامى الفكرة و ذوق المتلقى يولد ذلك انطباعا أن الحقائق و الماهيات ربما هى ذلك الطيف الواسع اللامتناهى من التواليف فى المدى بين الفكرة و نقيضها

تعليقي السلفي الإرهابي جدا جدا جدااا !!!

بعد توجيه نواره نجم لنداءها الثانى بعد أحداث الأول من يناير 2011

http://tahyyes.blogspot.com/2011/01/blog-post_04.html

كتبت أحد تعليقاتى السلفية الإرهابية المعتادة لكن طبعا لأن الموقف لا يسمح باستيعاب الإرهابيين أمثالى قررت نواره منع تعليقاتي , فأرجو ممن تقوده لينكات الشبكة العنكبوتيه إلى هذا الموضوع أن يقرأ هذا التعليق الممنوع من ضمن تعليقاتي الإرهابية الثلاثة الممنوعة في نفس الموضوع ليعلم مدى فظاعة ما وصلت إليه و أمثالى من تطرف و إرهاب يستحق المنع و الرفض

..........

نص التعليق





و بعدين انا بكلمك من موقع المسلم اللى لا كان مع شتيمة النصارى فى المساجد و لا مع التضييق على النصارى فى عباداتهم ,و امثالى كتير و امثالى الكثير دول من ناحية مش مستعدين نتحمل وزر جهلاء المسلمين و لا مفترض ناخد على دماغنا من متشنجى و متطرفي الأقباط , لما تيجى قيادة من الكنيسة و تقول كلام في منتهى الطائفية بشكل تلقائى بفكر انا و امثالى انه الشخص دا و كلامه شيء و حيقية اخلاق المسيحية و اتباعها الحقيقين حاجة تانية, و لو فكرت غير كده و خدت موقف غير كده ابقى شخص متشنج متطرف , ليه مبتفكريش انه الشخص القبطي اللى مصر يقتنع انه انا مذنب و مفروض اتعاقب على ذنب معملتوش عشان شيخ مغمور دعا عليه فى جامع قرية كل رواده جهلا و انا مأمنتش وراه, رغم انه عايش في بيئة ثقافية اسلامية و على دراية كاملة بكل دعاة التسامح و عارف انه اتباعهم اغلبية و بالملايين, هو كمان مش طبيعي و متطرف و متشنج و مشحون وراه ناس ليها اهداف غير وطنية , ليه سيادتك ؟؟

الحكاية مبتتحسبش كده مين بدا و مين شحن و مين وقته يطاطي و مين وقته يعلى صوته.. طول ما الغوغاء الجهلة من الجانبين بيتسابلهم الساحة يقودوا مفيش فايدة و مفيش امل .. المنطقى و الطبيعي انه زعامات معتدلة من الجانبين -او حتى زعامة واحدة معتبرة ايا كان دينها-يجتمع حواليها الوطنيين المؤمنين مسلمين و مسيحيين و ساعتها ممكن استيعاب اخواتنا المغرر بيهم اللى فاهمين غلط من المسلمين و المسيحين غير كده هاتى و وجهى نداءاتك بعلو صوتك بس ابقى ورينى نتيجة واحدة لنداءتك دى بعد عشر سنين,طول ما الجسد من غير راس مستعدة تضحى للاخر مستحيل هيكون فيه نتيجه.. كل المبادرات الجميلة الوردية مصيرها الى زوال لانه الفتنة ليها رءوس مش راس و احنا -المصريين -بلا رأس

و ياريت تفكرى تانى و تنشري التعليق الاولانى لانها محصلتليش عند حد قبل كده الحقيقة , و مخليانى مش عارف انا بناقشك فى ايه بالظبط و جزء كبير جدا من رايي اللى مضايقة منه مبتور اساسا و محدش فاهم هو كان ايه .. متسيبيهوش كده للاستنتاجات لانه دا افتئات عليا

انتهى نص التعليق

................................................

شفتوا الارهاب اللى انا فيه

دورة حياة الجرثومة

في البدء كانت البراءة, فالدهشة,فالفكرة ....ثم جاءت السقطة و غابت القيمة

بالنسبة للإنسان

هل الإنسان كائن واعٍ؟

ماسلو على جمبو

يقضي "مثقفي" المتخلفين أعمارهم في البحث عن أسباب التخلف , و الحكاية مش محتاجة كثير فزلكه , الحكاية ببساطة اننا قلبنا الهرم .. احنا قلبنا الهرم على جنبه يا جماعة , و طبيعى انه دا لا يستقيم ... و اللى مش مصدق بقوله:-

اسأل ماسلو.. هيأكدلك انه مقلوب على جمبو

كده ببساطة

أنا أكره , إذن أنا موجود